සර්පයින් යනු අප අවට පරිසරයේ සිටින ඉතා වැදගත් සත්ව කොට්ඨාශකි. නමුත් අනියත බිය හා පිළිකුල හේතුවෙන් අප අවට පරිසරයේ සිටින සර්පයින් අනවශ්‍ය ලෙස මරා දැමීමට ඇතැමුන් පෙළඹේ. නමුත් ඔබගේ නිවෙසට, ගෙවත්තට හෝ වෙනත් පරිශ්‍රයකට පැමිණෙන සර්පයින් මරණයට පත් නොකර, ඔවුන්ගේ ජීවිත බේරා ගැනීමට ස්වකැමැත්තෙන් ඉදිරිපත්වන ස්වේච්ඡා සර්ප ආරක්ෂකයින් අමතා එම සත්වයා ආරක්ෂිතව ඔබගේ පරිශ්‍රයෙන් ඉවත්කර සුදුසු පරිසරයකට මුදා හැරීමට ඉඩ සැළසීම මෙම වෙබ්අඩවියේ අරමුණයි. එමගින් ශ්‍රී ලංකාවේ ජනතාව සර්ප දෂ්ඨන වලින් ආරක්ෂා කරගැනීමට සහ සර්ප සම්පත ආරක්ෂා කරගැනීමට හැකියාව ලැබේ.
ඉංග්‍රීසි අකාරාදී පිළිවෙලට සකස් කළ දිස්ත්‍රික්ක අනුව ඉදිරිපත්කර ඇති මෙම දත්ත පද්ධතියේ ශ්‍රී ලංකාවේ සෑම දිස්ත්‍රික්කයකම ජීවත්වෙන ඔබට යම් ආකාරයකින් සර්පයෙකු ආරක්ෂිතව ඉවත්කර ගැනීමට අවශ්‍ය වුවහොත් ඒ සඳහා ඇමතිය යුතු දුරකථන අංක ඇතුලත්කර තිබේ. මේ ආකාරයෙන් වනජීවී සංරක්ෂණ දෙපර්තමේන්තුවට අමතරව දිවයින පුරා විසිරී පැතිරුණු සර්පයින්ගේ ජීවිත බේරා ගැනීමට ස්වකැමැත්තෙන් ඉදිරිපත්වන ස්වේච්ඡා සර්ප ආරක්ෂකයින් රැසකගේ දුරකථන අංක මෙම වෙබ්අඩවියට ඇතුලත් කර ඇති අතර ඔබට සමීපයේ සිටින එවැන්නෙකු අමතා ඔවුන්ගේ සහය ලබාගෙන සර්ප දෂ්ඨන වලින් ආරක්ෂා වීමට හා ශ්‍රී ලංකාවේ සර්ප සම්පත රැකගැනීමට කැපවෙන ලෙස ඉතා ඕනෑකමින් ඉල්ලා සිටිමු.